ஒன் வேர்ல்ட் டியூட்டி ஃப்ரீ கொழும்பு போர்ட் சிட்டியில்

சிங்கப்பூரை தலைமையிடமாகக் கொண்ட உலகின் முன்னணி கட்டணமில்லா பயண சில்லறை வர்த்தக நிறுவனமான One World Duty Free (ODF), 2025 ஜனவரி 1 அன்று கொழும்பு போர்ட் சிட்டி டியூட்டி ஃப்ரீ மாலில் தனது புதிய கடையை திறந்தது. இது தெற்காசிய சந்தையில் ODF இன் முக்கியமான நுழைவைக் குறிக்கும் மைல்கல்லாகும்.

ODF, போர்ட் சிட்டி டியூட்டி ஃப்ரீ ஸ்டோரின் இரண்டாம் கட்டத்தை 2025 மார்ச் மாதத்திற்குள் நிறைவு செய்ய திட்டமிட்டுள்ளது. இந்த விரிவாக்கம் மூலம் கடை 12,800 சதுர அடி பரப்பளவில் முழுமையான சில்லறை அனுபவத்தை வழங்க திட்டமிடப்பட்டுள்ளது. பிரீமியம் வகைகளின் விரிவான சேகரிப்புகளுடன், புதுமையான ஊடாடும் அம்சங்கள் மூலம், இந்த கடை வாடிக்கையாளர்களுக்கு தனித்துவமான மற்றும் ஈர்க்கக்கூடிய ஷாப்பிங் அனுபவத்தை உருவாக்கி, பயண சில்லறை விற்பனையில் புதிய வரையறைகளை உருவாக்குகிறது.

ஆரம்ப கட்டத்தில், கடை வாசனை திரவியங்கள், ஒயின்கள் மற்றும் சன்கிளாஸ்கள், டைம்பீஸ்கள் மற்றும் பொம்மைகள் ஆகிய ஐந்து முக்கிய தயாரிப்பு வகைகளை அறிமுகப்படுத்தியுள்ளது. வாசனைத் தீவுகளில் கால்வின் க்ளீன், பர்பெர்ரி, க்ளோ, டேவிட்ஆஃப், ஹ்யூகோ பாஸ் மற்றும் மார்க் ஜேக்கப்ஸ் போன்ற பிரபலமான உலகளாவிய பிராண்டுகள் இடம்பெற்றுள்ளன.

மேலும், உலகளாவிய அளவில் புகழ்பெற்ற ஒயின்களும் மதுபானங்களும் கிடைக்கின்றன. Balenciaga, Bottega Veneta, Gucci, Mont Blanc மற்றும் Saint Laurent ஆகிய பிரீமியம் பிராண்டுகளின் சன்கிளாஸ்களும், Seiko மற்றும் Casio போன்ற உயர்தர டைம்பீஸ்களும் விற்பனைக்கு உள்ளன. குழந்தைகளுக்கான ஃபெராரி மற்றும் போர்ஷே மாடல்கள் உள்ளிட்ட லெகோ செட்களும் டிஸ்னி இளவரசி விளையாட்டு பொம்மைகளும் வாடிக்கையாளர்களை கவர்கின்றன.

இலங்கை குடியுரிமை பெற்றவர்களும், இலங்கையில் வசிக்கும் வெளிநாட்டு குடியுரிமையாளர்களும், அனுமதிக்கப்பட்ட ஆவணங்களுடன், வருடாந்தம் $2,000 வரை டியூட்டி ஃப்ரீ கொடுப்பனவுக்குத் தகுதி பெறுகிறார்கள்.

இந்த வாய்ப்பு, வருகை செய்த முதல் நாளிலிருந்து நான்கு நாட்களுக்கு கிடைக்கின்றது.
சர்வதேச சுற்றுலாப் பயணிகள், வருடாந்தர வரம்புக்கு உட்படாமல், வருகை செய்த நாளிலிருந்து டியூட்டி ஃப்ரீ ஸ்டோரில் இருந்து பொருட்களை வாங்க முடியும்.

மேலும், பண்டாரநாயக்க சர்வதேச விமான நிலையத்தில் உள்ள பிக்அப் கவுண்டரின் மூலம் கொள்முதல்களை எளிதில் பெற முடியும்.

போர்ட் சிட்டி டியூட்டி ஃப்ரீ ஸ்டோர் ஆண்டுதோறும் 2 மில்லியன் பார்வையாளர்களை ஈர்க்கும் என எதிர்பார்க்கப்படுகிறது, இது கொழும்பில் ஒரு முக்கியமான ஷாப்பிங் தலமாக உருவெடுக்கிறது.