மன்னாரில் துப்பாக்கிச் சூடு சம்பவத்தில் ராணுவ வீரர் உட்பட மூவர் கைது

மன்னாரில் இருவர் சுட்டுக் கொல்லப்பட்ட சம்பவம் தொடர்பில் இலங்கை இராணுவத்தில் கடமையாற்றும் சிப்பாய் உட்பட மூன்று சந்தேகநபர்கள் கைது செய்யப்பட்டுள்ளதாக பொலிஸார் தெரிவித்துள்ளனர்.

சம்பவம் தொடர்பில் மேற்கொள்ளப்பட்ட விசாரணைகளை அடுத்தே கைது செய்யப்பட்டதாக பொலிஸ் ஊடகப் பேச்சாளர் தெரிவித்துள்ளார்.

தாக்குதலுக்கான நோக்கம் அல்லது சந்தேக நபர்களின் அடையாளங்கள் தொடர்பான விவரங்கள் இதுவரை வெளியிடப்படவில்லை.இந்த வழக்கு தொடர்பாக அதிகாரிகள் தொடர்ந்து விசாரணை நடத்தி வருகின்றனர்.