ஆயுர்வேத மருத்துவ சேவையில் உள்ள பல பிரச்சினைகளுக்கு உடனடி தீர்வுகளை வழங்கும் நோக்கில், சுகாதார மற்றும் வெகுஜன ஊடக அமைச்சர் டொக்டர் நளிந்த ஜயதிஸ்ஸ மற்றும் அரசாங்க ஆயுர்வேத மருத்துவ அதிகாரிகள் சங்கத்தின் அதிகாரிகளுக்கு இடையே சுகாதார அமைச்சில் ஒரு சிறப்பு சந்திப்பு நடைபெற்றது.
ஆயுர்வேத மருத்துவ சேவைகள் சட்டத்தை நிறுவுதல், தேசிய சுகாதாரக் கொள்கையில் சுதேச மருத்துவ முறையை முறையாக நிறுவுதல், ஆயுர்வேத சட்டம் மற்றும் ஆயுர்வேத விதித் தொகுப்பை திருத்துதல், நாட்டில் ஆரம்ப சுகாதாரப் பராமரிப்புக்கான ஆயுர்வேத சமூக சுகாதார சேவையை மேம்படுத்துதல், வேலையற்ற பட்டதாரி ஆயுர்வேத மருத்துவ அதிகாரிகளுக்கு வேலை வழங்குதல், சுகாதார சுற்றறிக்கைகள் தொடர்பான உரிமைகளைப் பெறுதல் மற்றும் ஆயுர்வேதத் துறையின் நிறுவன அமைப்பை மீட்டெடுப்பது உள்ளிட்ட அரசாங்க ஆயுர்வேத மருத்துவ அதிகாரிகளின் பல கோரிக்கைகள் இங்கு விவாதிக்கப்பட்டன.
நாட்டின் சுகாதார சேவையில் மக்களுக்கு சேவைகளை வழங்குவதில், மேற்கத்திய மருத்துவ சேவைகளுடன் உள்ளூர் மற்றும் ஆயுர்வேத மருத்துவ சேவைகளும் சிறந்த சேவைகளை வழங்குகின்றன என்று சுகாதார மற்றும் வெகுஜன ஊடக அமைச்சர் டொக்டர் நளிந்த ஜயதிஸ்ஸ சுட்டிக்காட்டினார். சுகாதார சேவையின் அனைத்து அம்சங்களையும் உள்ளடக்கிய ஒரு சுகாதாரக் கொள்கை வகுக்கப்பட்டுள்ளதாக அவர் கூறினார்.
