ஜனாதிபதி ஏகேடி பிப்ரவரியில் மத்திய கிழக்கு நாடுகளுக்கு பயணம்?

இந்த வருடம் பெப்ரவரி மாதம் மத்திய கிழக்கு நாடுகளுக்கு விஜயம் செய்யவுள்ளதாக ஜனாதிபதி அனுரகுமார திஸாநாயக்க தெரிவித்துள்ளார்.

சில மத்திய கிழக்கு நாடுகளில் இருந்து தனக்கு ஏற்கனவே அழைப்பு வந்துள்ளதாக ஜனாதிபதி தெரிவித்தார். பெற்றோலியத்தை பெற்றுக்கொள்வது தொடர்பில் இந்த நாடுகளுடன் தொடர்ந்தும் கலந்துரையாடல்கள் இடம்பெற்று வருவதாக ஜனாதிபதி திஸாநாயக்க தெரிவித்தார்.

மேலும், அரசு-அரசு ஒத்துழைப்பு மூலம் பெட்ரோலியத்தை கையகப்படுத்துவது குறித்து ஆலோசித்து வருவதாகவும் அவர் கூறினார்.

இக்கலந்துரையாடலை வெற்றியடையச் செய்வதற்காக அடுத்த மாதம் மத்திய கிழக்கு நாடுகளுக்கு விஜயம் செய்ய திட்டமிடப்பட்டுள்ளதாக ஜனாதிபதி இதன்போது தெரிவித்தார்.

களுத்துறை பேருவளையில் நடைபெற்ற தேசிய பொதுஜன பெரமுனவின் கூட்டமொன்றில் கலந்து கொண்டு உரையாற்றும் போதே ஜனாதிபதி அனுரகுமார திஸாநாயக்க மேற்கண்டவாறு தெரிவித்தார்.