நீர்த்தேக்கங்கள் குளங்களின் வான் கதவுகள் திறப்பு

பொலன்னறுவை மாவட்டம் உட்பட மகாவலி பி வலயத்தில் பல நாட்களாக பெய்து வரும் கனமழை காரணமாக, பல முக்கிய நீர்த்தேக்கங்கள் மற்றும் குளங்களின் வான் கதவுகள் திறக்கப்பட்டுள்ளன.

அதன்படி, கந்தளாய் நீர்த்தேக்கத்தின் 10 வான் கதவுகளும் கவுதுல்ல குளத்தின் 2 வான் கதவுகளும் திறக்கப்பட்டுள்ளன.

இதற்கிடையில், மதுரு ஓயா மற்றும் குடா ஓயா ஆகியவை நிரம்பி வழிவதால் விவசாயிகள் பெரிதும் பாதிக்கப்பட்டுள்ளதாகவும், மழை காரணமாக பல பகுதிகளில் கிட்டத்தட்ட 2,000 ஏக்கர் நெற்பயிர்கள் அழிந்துள்ளதாகவும் தெரிவிக்கப்படுகிறது.