மற்றொரு பேருந்து விபத்தில் 14 பேர் காயம்

காத்தான்குடியிலிருந்து கொழும்பு நோக்கிப் பயணித்த சொகுசுப் பயணிகள் பேருந்து ஒன்று சீருநுவர – கந்தளாய் வீதியில் சீருநுவர கல்லாறு இராணுவ முகாம் வளைவுக்கு அருகில் வீதியை விட்டு விலகி மரத்துடன் மோதி விபத்துக்குள்ளானது.

ஜனவரி 20 ஆம் தேதி அதிகாலை 12:15 மணியளவில் அப்பகுதியில் பெய்த கனமழை காரணமாக விபத்து ஏற்பட்டது.இதில் பயணித்த 49 பேரில் சாரதி, நடத்துனர் உட்பட 14 பேர் சிகிச்சைக்காக சீருநுவர வைத்தியசாலையில் அனுமதிக்கப்பட்டுள்ளனர்.

இதனையடுத்து, சாரதி மற்றும் ஒன்பது பயணிகளும் மேலதிக மருத்துவ சிகிச்சைக்காக திருகோணமலை வைத்தியசாலைக்கு மாற்றப்பட்டனர்.