கனடாவில் இலங்கையை சேர்ந்த தமிழ் தம்பதியினர் அதிரடி கைது!

கனடாவில் உள்ள ரொறன்ரோ பகுதியில் தமிழ் தம்பதியினர் கைது செய்யப்பட்டுள்ளதாக பொலிஸார் தெரிவித்துள்ளனர்.

ரொறன்ரோவில் வசித்து வரும் 37 வயதான தமிழ் தம்பதியினரே ஆயுதங்களுடன் இவ்வாறு கைது செய்யப்பட்டுள்ளனர்.

கைது செய்யப்பட்டுள்ள 37 வயதான கணவன் மீது 8 குற்றச்சாட்டுகளும், 37 வயதான மனைவி மீது 3 குற்றச்சாட்டுகளும் சுமத்தப்பட்டுள்ளதாக ரொறன்ரோ பொலிஸார் தெரிவித்துள்ளனர்.

கடந்த 3ஆம் திகதி மார்க்கம் வீதி மற்றும் ஷெப்பர்ட் அவென்யூ பகுதியில் பொலிஸார் சுற்றிவளைப்பில் ஈடுபட்டிருந்தபோது இருவரும் கைது செய்யப்பட்டுள்ளனர்.

இதன்போது சந்தேகத்திற்கிடமான வாகனம் ஒன்றை சோதனை செய்த போது தம்பதிகள் சிக்கியதாக ரொறன்ரோ பொலிஸார் தெரிவித்துள்ளனர்.